Kum 11 lawng a si mi nu cu a pu nih fa a pawiter / a thi!

Nu caah ral  ngan bik a si mi cu pa a si. Fa nu a ngei  mi nu le pa nih cun I ralrin ngai a herh. Nu caah a nai bik mi a tta le a hringtu a pa hmanh khi a caah cun ral ngan bik mi a si kho.( IT )chan kan phan cang i  fawi tein vulei cung thawngpang hi kan umnak hmun cio in thei khawh kan si cang. Atu i  kan rak langhter mi hi Tailand ram ah thil a cang mi a si. Lungsau tein rel dingin kan sawm hna.

Thailand, Kalasin Peng, Sahatsakhan district ahcun khua sa putar pakhat nih cun a tunu  kum 11 lawng a si rih mi cu a rak tlaihhrem tawn i , a tunu te cu fa a pawi ter tiin the National Thailand nih theihternak a tuah hi a si. 

A poi tuk mi cu kum nau tuk in nau pa pawi caah a  si lai cu a taksa nih a celh lo ruangah a luak le khuasik zawtnak in a dam lo i  siizung a va kal pi i doctor te nih ttha tein an sii hna an pek hnu ah Inn ah an ttin tthan. Ni zeimawzat an zohkhen hnu ah a nunnak a liam tiin thawng  thei hi a si.

Hi bantuk in a tunu cungah zaangfahnak ngei lo in a thil tuah mi ruangah  a pu cu Palik nih court ah Tleihhrem case in a kong lam ceih  dingin rian hma an lak  ve cawlh tiin theihternak an tuah.

Nu le pa nih hin kan fa le hi ttha tein kan zohkhenh hna hi a rak biapi tuk. Chungkhar rethei ruang zawngah  nu le pa nih fa le sinah caan  hman kho lo in chungkhar pawcawmnak ah kan buai ngai ko men lai nain fa le hi an tthutdir a sining  hi nu le pa nih kan zoh piak thiam ngai hna a hau.

Hi Hmanthla Ruangah Hin A Pasal Nih Tthennak A Tuah

 Mobile phones chungah cameras a rak um  hnu hin, fawi tein kan hawi le sinah kan duh mi hmanthlak kuat hi a rak fawi ngaingai. Tuchan ah social media kan hmang ngainai cang, hawi le he ih chawnhbiaknak ah. WhatsApp, Snapchat,Instagram le Facebook hna hmangin hawi le sinah kan duh mi hmanthlak hna kan i kua tawn hna.

Social media hi a hmang thiam mi caah cun nun paw cawnnak tiang hman in san tlainak a chuakpitu a si. Mi cheukhat hna cu nungak tlangval i duhnak le chungkhar dirti khawhnak tiang ah an hlawh tlingpi mi  a si. Sinain a hmang thiang lo mi hna caah cun mah nunnak tiang sunghnak le chungkhar ih tthentertu ah an hmang ve.

Portugal ram ah khuasa Iris an ti mi nu hi, hawi bantuk in a hawlka a tam mi a si lo i, mi hmaiah a ningzah a pang ngai mi nu a si tiin an chim. Nain a hawi le nih hi bantuk a si caah hin mihmai ah polite deuh in um kho ve si ti an duh piak  caah Dating App a kong lam kha ruahnak a cheu. Dating App hna ahcun mi tampi nu he pa he an umnak a si i, hmathlak sexy deuh in an i thlak hna i an post cun an duh mi nu/pa hna he khan an in kuat hna an in chawnh tawn.

Nikhat cu Iris nih hin a hmanthlak in sexy deuh in a post ve i, an pa nih photo a vun hmu cun aa zumh kho lo hihi kan nu a si ko hnga maw tiin a mah le mah hman aa zumh kho lo ti a si. Ttha tein a vun zoh tthan i an nu bak si ko cu fiang tiin a thei tik ah a thin hunnak cun 100% tisatlawk in a tlawk ko. Hi hmanthlak ruang te ah hin an nih cun i tthennak a tuah hi a si.

Hi bantuk hi kan cungah a tlung kho lai lo tiin chim kho kan si lo. A chan nih a kan phan ve cang le social media hman dan zawng hi kan mah Chin mi cung zawngin kan i ralring deuh a hau ko cang.